" كُل اللي تقدر عليه .. و إدفع اللي إنت عاوزه " ده ببساطة شعار أغرب مطعم في العالم ..
حجاجوفيتش زاره و أكل فيه لما كان في النمسا و دي حكايته:
حجاجوفيتش زاره و أكل فيه لما كان في النمسا و دي حكايته:
الراجل صاحب المطعم ده باكستاني و فاتح المطعم من ٢٠٠٥ حتي الأن و بيكسب جامد جداً يومياً و مفيش يوم من أول ما فتح المطعم حتي الأن ( حوالي ٩ سنين ) فيه خسائر للمطعم ! بالرغم من إن المطعم أوبن بوفيه ( لحمة - فراخ - شاورما - بانيه - سوسيس - هامبورجر - كبدة - كباب - كفتة - سمك - جمبري - بطاطس - رز بسمتي - شوربة - سلطة - عيش " كل اللي حيخطر علي بالك حتلاقيه ) و تقدر تاكل أي أكل لغاية ما تشبع و تخلص الطبق و تغرف تاني و في الأخر بتدفع اللي إنت عاوزه حتي لو ١ يورو بس !
بالرغم من ده المطعم بيكسب كل يوم بسبب إن الأكل هناك حلو جداً فالناس الأغنياء بتحب تيجي تاكل من المطعم و بتروح دافعه ٥٠٠ يورو مثلاً مع إن الأكل تمنه الحقيقي ميكملش ٢٥ يورو بس و ده بسبب جودة الأكل المقدمة و طعمه اللذيذ !
و ده اللي خلي الشرطة النمساوية حاولت تقفل المحل قبل كدة عشان فيه مطاعم تانية إتخرب بيتها من المطعم ده لإنه واخد كل الزبائن منهم .. إلا ان الشرطة فشلت عشان زباين المطعم رفعوا قضايا من أجل بقاء المطعم ! و بالفعل المطعم إستمر و كسب كل القضايا لصالحه و بكدة يبقي أول مطعم في العالم يبقي عنده الفكرة ديه !
شاهد ايضا .....
ليست هناك تعليقات:
إرسال تعليق