قال المغني المصري علي حميدة، صاحب الأغنية الشهيرة «لولاكي»، إنه تعرض للتغييب ولم يغب قائلاً: «كنت أحارب من جميع الأطراف في الإعلام والمسؤولين عدا الجمهور فهو الوحيد الذي وقف معي وده أحسن حاجة.. تخيلوا زي ما قال أحد المذيعين الكبار علي حميدة بدوي راعي غنم صدق نفسه أنه مطرب وناسي أن أنا استاذ دكتور في أكاديمية فنون».
وأضاف «حميدة» في حواره مع الإعلامي طوني خليفة في برنامجه «أسرار تحت الكوبري»، على قناة «القاهرة والناس»، الاثنين، «كان الأستاذ الملحن حلمي بكر والأستاذ مفيد فوزي كانوا أكثر من ينتقدوني.. وعلاء مبارك لم يكن السبب في غيابي .. أنا بحترم علاء جدا وهو شخصية محترمة جدًا .. لكن مش هو سبب غيابي.. أنا لاقيت فجأة عليا 13 مليون جنيه ضرائب أنا كسبت كام عشان يكون عندي 13 مليون»
وتابع: «لكن كل حاجة كانت بتقاس بولالكي مفيش حد حقق هذه المبيعات.. باعت 6 مليون باعت على عدد بيوت العالم العربي .. الخليج كان بيشتري بالعلبة.. أنا شخصيا لغاية دلوقتي لسه مستغرب مهياش الأطلال ولكنها حققت حاجات غريبة لغاية دلوقتي أنا مستغرب».
وعند سؤاله ان كان يعتبر نفسه أهم من عمرو دياب, أجاب حميدة بدهشة: “نجاحي ما حدش حققوا” وتابع: “مع احترامي لكل واحد فيهم كمطرب وعمرو دياب انا باسميه ناظر المدرسة”.
ليست هناك تعليقات:
إرسال تعليق