حتستخدم حاجات موجودة اساساً عندك في البيت وبكل سهولة.
1- فرشة أسنانك القديمة ممكن تنظف بيها سماعات الموبايل او الاي باد بشكل آمن جداً على السماعة من غير ماتبوظها.
2- أعواد قطن الودان مع شوية كحول "لومافيش كحول, الكولونيا هتحل محله" بردو حنضّف بيها "بقايا الشمع اللي بيبقى ماسك في السماعة" بس حاول انك ماتدوسش اوي بالقطنة عشان مش تتفصل حته منها وتعلق جوا السماعة.
3- ممكن نستخدم علبة قطن ودان فاضية عشان نعملها علبة للسماعات وبكده نحافظ عليها سليمة ونضيفة وفي نفس الوقت مش تتشربك وتوه مننا في الشنطة.
4- فرشة صغيرة "بتاعت الحواجب" بنفس حجم الجاك حتنضف كل الفتحات اللي بنفس الحجم.
5- تنضيف الكي بورد بعدة طرق, اولها.. فرشة ميك اب كبيرة نشيل بيها التراب اللي بيبقى على الكي بورد.
6- ممكن لو مش عندنا فرشة الميك اب نستبدلها بي سولوتيب حنلزقة ونشيله وهوا حيشيل معاه كل التراب والعوالق.
7- الخطوة اللي بعديها حتبقى قطنة ودان وشوية كحول ننضف بيها الفتحات الصغيرة اللي بين الزراير.
8- عارفين بكرة اللزق اللي بنستعملها عشان نشيل شعر القطط والكلاب من على الهدوم.. دي مفيدة جداً في تنظيف السماعات الكبيرة بتشيل من عليها اي غبار عالق.
9- فرشة الوان صغيرة جداً هتبقى ممتازة في تنظيف فتحت السبيكر الصغيرة اللي في الموبايل او التاب.
10- تنظيف الاسلاك الكبيرة .. الاول نفكها ونلف كل سلك على حدا, وبعدين نجيب وعاء فيه ماء دافي وبضعة نقط شامبو وحتت قماش, نعصر حتت القماش كويس جدا قبل مانمسح بيها الاسلاك .
11- لتنظيف اي سكرين سواء كانت بتاعت لاب او كمبيوتر او تي في او حتى موبايل ممكن طبعاً نستخدم البخاخ الخاص بيها .. انما لو مافيش البخاخ ممكن اعمل بديل ليه عن طريق خلط (نصف كوب ماء مقطر + نصف كوب كحول)
12- غلط اننا نرش على السكرن على طول الاول نرش على القماشة وبعدين نمسح السكرين, وغلط استعمال المناديل الورق المفروض نستعمل قماش قطن او فوطة قديمة.
وطبعاً في طرق تانيه للتنضيف يمكن مانكونش ذكرناها وممكن انت بردو تبتكر طرق جديده, اعمل طبعاً اللي يريحك المهم ماتوصلش لكدا..
ليست هناك تعليقات:
إرسال تعليق